BD.mn

bd.mn сайт нь 2006 оны 7 сараас эхлэн ажиллаж эхэлснээс хойш үйлчилгээнийхээ чанарыг сайжруулан шинэ боломжуудыг нэмсээр ирсэн билээ. Энэ хугацаанд бид Free, Bronze, Silver, Gold ангиллуудаар хэрэглэгчдээ бүртгэж байсан бөгөөд үнийн хувьд, Free - үнэгүй, Bronze - жилд 40000 төг., Silver - жилд 60000 төг., Gold - жилд 149000 төг. байсан билээ. bd.mn буюу бизнес лавлах үйлчилгээ нь улам сайжирч нэмэлт боломжуудаар хангагдсан, нөгөө талаар цаашид хэрэглэгчиддээ үзүүлэх үйлчилгээг улам чанаржуулах зорилгоор үйлчилгээний үнийг нэмэх шийдвэр гаргалаа. Шинэ үнийн тариф нь 2006 оны 12 сарын 1-нээс хойш гэрээ хийсэн байгууллагуудад мөрдөгдөж эхлэх бөгөөд Free - үнэгүй, Bronze - жилд 75000 төг., Silver - жилд 95000 төг., Gold - жилд 195000 төг. болж өөрчлөгдөж байна. Бид үйлчилгээний чанараа улам сайжруулж, таны бизнес цэцэглэн хөгжих явдалд хэрэгтэй зүйлсийг үйлчилгээндээ байнга тусгаж байхаа амлаж байна.

bd.mn сайтын хэрэглэгчиддээ өөрийн бизнест bd.mn сайт хэрхэн тусалж байгаа тухай сэтгэгдэлээ хуваалцан үүгээрээ дамжуулан өөрийн бизнесээ сурталчлах боломжийг бид олгож байна. Хэрэглэгчийн сэтгэгдэл харуулах хэсэг нүүр хуудсанд гарах бөгөөд энд таны зураг болон, сэтгэгдэл дэлгэрэнгүйгээр харагдах юм. Үүгээр дамжин танай байгууллагын мэдээллийг илүү олон хүн үзэх боломжтой болно. Нөгөө талаар шинээр орж ирж байгаа байгууллагуудад bd.mn-ийн ач холбогдлыг илүү ойлгуулахад энэ маань туслах юм. Хэрвээ та өөрийн сэтгэгдэлээ хуваалцахаар шийдсэн бол бидэнтэй 99731583 утсаар яриарай. Таны бизнест улам их амжилт хүсье!

Та одоо хүссэн хэлээрээ бичих боломжтой болсон.

Санамсаргүй байдлаар сууж байгаад эгчийнхээ нэрээр Banjig гэсэн домайн бүртгүүлээд тэгээд түүнээс хойш вэб програмчлал руу улмаар вэб, интернэтийн бизнест илүү татагдан орох болсон тэр өдөр маань 4 жилийн ард үлджээ. Энэ хугацаанд олон зүйл болж өнгөрлөө. Харин нэг л юм өөрчлөгдөөгүй, энэ нь миний өөрийн хийх юмсан хэмээн дотроо хичээнгүйлэн хүсэж, завтай үедээ яаж хийх тухайгаа бодон явдаг зүйлс маань. Эдгээрийн нэг нь bd.mn юм. Миний өөрийн бодлоор bd.mn маань b2b, b2c & c2b утгаараа Монголын анхдагч цогц сайтуудын нэг. Хийх гэж удаан бодсон, хийхдээ ч нилээн удсан, харин одоо тэр хирээрээ удаан амьдраасай л гэж хүсэж байна даа. :) Олон хүн надаас асууж байсан. Жишээ нь бид ямар нэгэн шинэ үйлчилгээ гаргахад ямар opensource бэ? гэж, мэдэхгүй хүн ойлгохгүй, багахан мэддэг нь андахгүй, гайгүй мэддэг нь дургүй энэ асуулт нэг талаар Монголын программ зохиогчид, ялангуяа вэб программистууд юу хийж байдаг ямар түвшинд явааг илтгэх мэт санагддаг. Жишээ нь Banjig. Music гарахад жив жув гээд Yahoo! Launch байна гээд... :) Yahoo!-ийн кодийг бид авчихав л гэж. Хм. Тэгэхдээ нэг зүйл үнэн нь харахад төстэй гэж. Энэ бүхэнтэй нь холбоод ганц хоёр юм бичье гээд л. Ер нь бид аливаа шинэ үйлчилгээ гаргахдаа эхлээд боддог. Гадны ямар сайт руу манайхан яаж ороод яг юуг нь хэрэглээд байна гэж. Тэгээд нөгөө сайтаа судлана. Бас ижил төстэйгүүдийг нь харьцуулна. Тэгээд үйлчилгээ болгож болохоор юм гэж үзсэн үедээ нөгөөдүүлээ нэгтгээд, тэгээд Монголынхоо нөхцөлд тааруулж буулгаад нэг загвар гаргана. За үүнээс хойш бол тэгээд программ зохиох ажил маш хурдан, ерөнхийдөө баазын бүтэц, хуудаснуудын дараалал болон бүтцийг гаргана. Тэгээд ерөнхий зүйлсийг нь базна, дараа нь багасгаад кодлоно. Хэсэгтээ л дотроо тестлэнэ. Мэдээж ажил дотроо хийсэн зүйлсээ svn-дээд л байна харин боллоо гэхээрээ ssh-дээд сервер лүүгээ илгээнэ. Эхний хэсэгтээ бидний загвар хүмүүст хир таалагдахыг шалгаж, өөрсдийн хүрээллийн хүмүүсээр хэрэглүүлнэ, тестлүүлнэ. Ямар нэгэн ноотой зүйл ажиглагдвал засна. За гайгүй боллоо гэнгүүт эхний ээлжийн мэдээллүүдийг оруулж өгөөд л beta болгоод нээчихнэ. Мэдээж тэгээд үүнээс хойшхи нь алдаа засах, зарим боломжуудыг нэмэх гэх мэтээр. Хамгийн гол нь ихэнх үйлчилгээнүүд маань үргэлж шинэ боломжуудаар баяжиж, программ нь ч байнга сайжирч байдаг. За даа нэг иймэрхүү, гарчигаасаа жаахан хазайчихлаа тэгэхдээ зүгээрээ bd.mn ч энэ замыг дайрч өнгөрсөн, тэгэхдээ чамгүй удаан хугацаанд. Тиймээс нэрийг нь энд онцолчих шиг боллоо. bd.mn маань ч удахгүй магадгүй 2-3 сарын дараа бүр сайжрах биз дээ, газарзүйн болон бусад олон системүүд нэмэлтээр орж ирэх байх. За энэ ч яахав тэр үед нь л бичье. Эцэст нь нөхөд минь ээ өнөө үе бол программ бичихэд бэлэн зүйлс олонтой сайхан цаг, тэгэхдээ л бага багаар өөрсдөө хийж явбал хэрэгтэй биш гэж үү. Үргэлж хүнээс бэлэн юм харж, эсвэл ажлаас шантарч, залхуурсаар байвал хөгжил холдоод явчих биш үү. Хэн нэгнийгээ юм хийхээр энэ ч заавал нэг газраас авсан даа гэж хардаж сэрдээд, нойроо хугаслаад байвал ядаргаа болох бишүү... :)

Бид маш шаргуу ажилласны дүнд ямартай ч зорьж байснаараа Banjig. Бизнес лавлах нэрийн доор Монголын Бизнесийн Нэгдсэн Лавлахыг босгоод авлаа. Мэдээж дутуу алдаатай зүйлс нилээд байгааг үгүйсгэхгүй. Тэгэхдээ хамгийн гол нь системийн маань логик маш зөв гарсан гэдгийг л баттай мэдэж байна. Иймээс цаашид энэ сайт маань улам сайжраад гараад өгсөн байхад гайхаад байх юм байхгүй гэсэн үг.

Яг одоо истем маань хамгийн чухал үндсэн зүйлс болох байгууллагуудын мэдээллийн сан, барааны каталоги, танилцуулах хуудаснууд, зургийн галлерей зэрэг хэсгүүдтэйгээс гадна систем маань бүхэлдээ Banjig.Net-ийн үндсэн цөм дээр тулгуурласан учраас үндсэн хэрэглэгчийн бүртгэлтэй хүмүүс шууд хэрэглэх боломжтой, мөн ажиллагааны хувьд харьцангуй хурдан, найдвартай гэж хэлж болно.

Одоогоор байгууллагууд харилцан мэдээлэл солилцох, хэрэглэгч шууд байгууллагатай холбоо барих, байгууллагууд өөрийн мэдээллүүдийг хэрэглэгчид хэрхэн үзсэн мэдээллийг дэлгэрэнгүй харах, хэрэглэгчийн мэдээллийн хэсгийг сайжруулах ажлууд эхнээсээ хийгдэн туршигдааад явж байгаа. Ойрын болон алсын ирээдүйд энд нэмэхээр бид олон зүйлийг төлөвлөж байна. Жишээ нь онлайн худалдаа хийх боломж бүрдүүлэх, үзэсгэлэнгүүдийн хуваарь гэх мэт чухал мэдээ мэдээллийн ухаалаг санг бүрдүүлэх, газар зүйн систем болон VoIP-тай холбох гэх олон чухал боломжуудыг энд дурдаж болно.

Мөн бид өнгөрсөн онд гаргахаар төлөвлөж байсан ажил зуучийн системээ Бизнес лавлахтай нэгтгэн шинээр гаргах төлөвлөгөөтэй байна. Систем маань технологийн хувьд шилдэг шийдэл болсноос гадна, бизнесийн утгаараа маш их хэрэгцээтэй болсон гэж хувьдаа бодож байна. Жишээ нь та жилдээ 40-хөн мянгөн төгрөг төлөөд 5 хүртэлх бараа, байгууллагын дэлгэрэнгүй мэдээлэл оруулах боломж, мөн үнэгүй домайн нэр түүнчлэн үнэгүй бизнес ангиллын и-мэйл хаягтай болох боломжтой. Та боломжуудын тухай дэлгэрэнгүйг эндээс үзэж болно.

Бизнес лавлах үйлчилгээтэй холбоотой бид дэд домйн олгох зорилгоор bd.mn, бизнес ангиллын и-мэйл олгох зорилгоор biznet.mn зэрэг домэйнүүдийг бүртгүүлсэн болно. Ер нь л товчоор хэлэхэд бид маш их анхаарал тавьж байж бий болгосон систем маань цаашид бидний хүссэн үр дүнг авчрана гэдэгт итгэж байна. Одоо нэгэнт B2B, B2C системтэй болоод авснаас гадна өмнө хэлж байснаар Banjig. Mobile салбар маань тодорхой хэмжээнд ажиллаад эхэлсэн энэ долоо хоногтоо багтаад бүрэн хэмжээнд ажиллаж эхлэнэ мөн Banjig.Net маань ойрын үед таны төсөөлж ч байгаагүй бэлгийг барих болно гэдгийг энд хэлэхгүй дуусгаж чадахгүй нь. Энэ маань тэр чигтээ C2C байх болно. Та одоо жаахан л хүлээчих. :)